Naalakkersuisunut allakkat ammasut

 In Uncategorized @ka

Matumuuna Aalisarnermut, Piniarnermut aamma Nunalerinermut Naalakkersuisoq qilalukkat qernertat Upernavik-mi, Upernavik-iullu nunaqarfiini pisassiissutit 30-it nungunneqarnerisa kingorna Aalisarnermut, Piniarnermut aamma Nunalerinermut Naalakkersuisoq pisasseeqqissasoq Partii Naleqqamiit kissaatigigatsigu.

 

Upernavik-mi Upernavik-iullu nunaqarfiini qilalukkat qernertat pisassiissutaasut nungunnerisa kingorna nunaqarfiit suli sikuersimanngitsut nunguussaapput, tamannalu akuersaarneqarsinnaanngilaq, taamaattumillu Naalakkersuisoq qinnuigaara Upernavik-mi Upernavik-iullu nunaqarfiini qilalukkanik qernertanik pisasseeqqissasoq. Qilalugarpassuaqarnerarpaammi piniartut. Taamatullu KNAPP-Upernavik qinnuteqaammik nassiussaqarsimasoq uppernarsarneqarnikuuvoq.

 

Upernaaru aamma aasaru Upernavik-miut taamatullu Upernavik-up eqqaani nunaqarfiini nalliuttorsiornerit amerlasuut ingerlanneqartussaapput, tamannalu tunngavigalugu qilalukkanik qernertanik nutaartugassaarunnertik maqaasissagaat, tamannalu kalaallimut taamatullu kalaallit inuusaasiannut mitalliinerussasoq Partii Naleqqamiit oqariartuutigerusupparput, Aalisarnermut, Piniarnermut aamma Nunalerinermut Naalakkersuisoq immikkut ittumik pisasseeqqinngippat.

 

Taamatullu Ittoqqortoormiini nannut pisassiissutit nungussimalerput, paarlattuanillu Ittoqqortoormiit eqqaanni nanorpassuaqartoq nannunik namminerisaminik kisitsisimasup uppernarsarpaa, taamaattumillu Aalisarnermut, Piniarnermut aamma Nunalerinermut Naalakkersuisoq nannunik pisasseeqqissasoq Partii Naleqqamiit kissaatigigatsigu.

 

Kalaallit inuit tamarmik ilisimavaat nanoq nersutaasoq qaasuttoq, inunnillu illoqarfimmi najugalinnut ulorianartorsiortitsisinnaasoq. Ilisimaneqarporlu pisassiissutit nungukkaangata illoqarfimmi innuttasut nannunik illoqarfimmut tikeraartunik ungoorisariaqartarsimasut, tamannalu akuersaarneqarsinnaanngilaq.

 

Partii Naleraq isumaqarpoq Ittoqqortoormiini illoqarfimmut nannut tikeraat ingerlaannaq toqunneqartassasut pissusissamisoortoq innuttaasunullu neqaa agguarneqartassasoq piumasaralutigu. Amia Namminersorlutik Oqartussanut nassiunneqartarnissaa aaqqissuunneqarsinnaavoq. Soorlu Savissivik-mi nunaqarfinnut tikeraat toqunneqaraangamik taamatut aaqqissuunneqartartoq.

 

Qujanaq

 

Jens NapãtôK´

Recent Posts

Leave a Comment

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt
shares