Kangiani tusass-ip attavia arriippallaarujussuarpoq

Allattoq: Emanuel Nûko, (N)

Naalakkersuisut nassuiaasariaqalerpusi innuttaasunut Kalaallit Nunaata Kangiani attaveqaateqarnikkut iluarsiinissaq qaqugu pissanersoq, eqqortumik nassuiaasoqartariaqalerpoq attaveqaateqarnikkut suna ajornartorsiutaanersoq Internet nunatta kangiani arriitsuararsuuvoq, suna ajoqutaasimanersoq nassuiarneqartariaqalerpoq piaartumik. Ukiup affanngulertumi innuttaasut naammaginnikkunnaavipput attaveqaateqarnerup aqqani, akimik amiilaarnaannartumik akeqartinneqarpoq attaveqaateqarnerput nunatsinnulu kigaannerpaamik attaveqaateqarluta, innuttaasuusugut nunatta kangiani salloqittaammik akiluttortinneqarpugut, Kitaani Internet kigaannerpaaq 5/1 Mbit sukkassuseqarpoq akeqarluni kr. 499 sukkanerpaarlu akeqarluni 1.099 kr nunattalu kangiani kigaannerpaaq 1/0,5 Mbit akeqarluni kr. 499 sukkanerpaarlu 4/1 Mbit akeqarluni kr. 899 assigiinngisitsineq amiilaarnarluinnartoq atuuppoq nunatsinni, attaveqaatillit ukiup affanngulersumi suli aaqqinneqanngillat Naalakkersuisut nassuiaasariaqarput suna peqqutaalluni taamaattoqarnersoq qaqugu aaqqinneqassanersoq tamanna, aallarteqqaarmat attaveqaaterput nutaaq ima sukkatigaaq Download 20.2 Mbps Upload 9.1 Mbps sooruna taakku ingerlaannaq atuukkunnaartut? Nassuiaasoqartariaqarpoq eqqortumik. Innuttaasuusugut attavilutsinneqarnerput qatsutivipparput akinillu assigiinngisitsinerujussuaq akuersaarneqarsinnaanngilluinnarluni.

Inussiarnersumik Inuulluaqqusillunga

Emanuel Nûko, Naleraq

+299 22 03 72