Ulloq 4. oktober 2023 Inuit Ataqatigiit Sermersooq Naleqqamut paasissutissiipput suleqatigiinnerat
erngertumik kipitinneqartoq. Inuit Ataqatigiit Demokraatillu suleqatigiinnissamut isumaqatigiissusiornerat
kinguninngua nutaarsiassatigut saqqummerpoq. Naleraq pisussamut sioqqutsisumik paasitinneqanngilaq
aammalu sooq suleqatigiinnerup kipitinneqarneranik tunngavilersortoqanngilaq.
2021-mi qinersereernerup kingorna Inuit Ataqatigiit suleqatiginnissinnaanerat qanoq qajannartigisoq
suleqatigisaminnullu attaveqartarniarnerat qanoq killeqartigisoq ataasiaannaratik maanna takutippaat.
Inuit Ataqatigiit ilumoorsaartumik ataqqinnittumillu politik-ersinnaanerat qanoq killeqartigisoq
paaseqqiinnarparput.
Eqqqaamasariaqarparput Kommuneqarfik Sermersooq sivisuumik aningaasatigut ingerlatsinikkullu
ingerlanerliornerat amigartoorfiusarnerallu Inuit Ataqatigiit Demokraatillu suleqatigiittarsimaneranni
pilersinneqarnikuusoq. Naleqqap aaqqiiviginiarnissaanut piumasaqartuarnikuuvoq, Inuit Ataqatigiilli
tamanna tusaanngitsuusaaginnarlugu qimarratigalugulu Demokraatit suleqatiginiarlugit aalajangerpoq.
Inuit Ataqatigiit Demokraatillu suleqatigiinnissamut isumaqatigiissutaat atuarlugu Kommuneqarfik
Sermersuumi ingerlatsineq aningaasatigullu aqutsineq suli ajorneruliinnassasoq Naleqqamiit
ernumassutigaarput.
Naleraq Nuummi Immikkoortortaqarfiat
Nalunaarummut apeqqutissaqassaguni Juno Berthelsen attavigineqarsinnaavoq, tlf. 26 73 72