Ullumi 24. april 2024 Naleqqamiit 2018-imili siunnersuutigisimasarput, nammineq illuliorsinnaanissamut siunnersuut akuerineqarpoq. Taamanili partiit angerinerit ajornasaaraat, Naleqqamiit tunniutiinnarumata kiisami iluatsipparput.

Nammineq illuliortarneq Naalakkersuisuniit pissakinnernut taamaallaat atuutsinniarneqaraluartoq Kr. 300.000 angullugu isertitallit akileeqqigatik 25.000 kr akiliutigalugu illutaarsinnaanerat Naleqqamiit iluatsipparput.

Illoqutitigiit kr. 300.000 sinnerlugit isertitallit isertitaasa 35%-iat aallavigalugu, assersuutigalugu; illoqutigiit kr. 1. mio. ukiumut isertitaqarunik ukiuni 20-ini akilersussagassamik attartugassinneqarlutik; 1 mio kr 35%-ia 350.000 kr attartussavaat.

Taakku aningaasat isertinneqartut aserfallatsaaliinermut atorneqartussanngussapput, siunissami nammineq illuliortuniit qinnutigalugit atorneqarsinnaasut.

Nammineq illuliortarneq periarfissaalernera ilutigalugu Naalakkersuisut annikippallaamik angingaasaliisimanerat Naleqqamiit uparuarparput – tassa Naalakkersuisut Kr. 29 millioninik Aningaasaliisimasut Naleqqamiit minnerpaamik kr. 70. mio-nut qaffanneqarnissaa oqaatigaarput.

Suli, suli nammineq illuliorsinnaaneq aningaasalersorlugu innuttaasut illutaarsinnaanerat pisariaqarluinnartoq periarfissaalluarnissaa Naleqqamiit piumasaqaatigaarput.