Siammarteruk

  • §37 malillugu Inatsisartunut Ilaasortaq Jens Napaattooq, Naalakkersuisunut apeqquteqarami, pinngortitaleriffimmi piniagassanik kisitsisarneq pillugu, akineqarnera najoqqutaralugu ilaatigut imatut imaqarpoq:

2007-imili Qaanaami qilalukkat qernertanik kisitsigasuartoqarnikuuvoq, tassa ukiut 12 matuma siornali. Tassani biologit qilalukkat qernertat 8.370 amerlassusigisaattut missingersorsimavaat. Tassa kisitsigasuarnerit kingulliat. Allamik kisitsisoqaqqinnikuunngilaq.

Tamatumuuna, aali 2007-imi eqqoriaaginnarnikuullutik, Nuup illoqarfianiit piniartut tusarnaannguassanagit, imminnut ilisimasakkaatut inisseriarlutik ukiumut pisassat 98, aap 98-iinnaat inissittarpaat, naak piniartut pissutsinut qaninnerpaat, taakkua ukiut untritilikkaat uumasunik nungutsitsinikuunngisaannartut ilisimasaat avaqqullugit. Aap, piujuaannartitsillutik piniartuartuartut avaqqullugit.

Piniartut ullut tamaasa inuuffitsik piniarfitsik nalaataraat. Nuummili Pinngortitaleriffimmeersut, Qaanaaq 1593 km ungasissusilimmi, ukiut 12 matuma siorna alakkaalaaramik siunnersuinissartik nutarsarnikuunngisartik naammagaat, piniagassat nalunnginnerugamikkinngooq. Tamannalu pivoq Pinngortitaleriffiup qilalugartassat allat ukiut allortarlugit (2017, 2018) Kangiata avannaarpiaani kisitsisariaqartarsimallutik, Qaanami kisitsisitoqqatik ukiut 12 nutaanngissusillit najoqqutaralugit naammagaat.

Biologit timmisartorlutik isitik atorlugit misissuinerminni 100 kilometer sinnerlugit timminermi, uumasut aqqaamasartut kisimi nuigasuartortaat kiseqqatarsinnaatillugit, naatsorsuutaat najoqqutarineqarsinnaanngillat.

Piniartut sutigut tamatigut inuuffimminni piniagassaminnut oqartussaasariaqarput, tassa.

§37 akissut una toorlugu atuarsinnaavat

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt