Siammarteruk

Susoqartoruna? Suna tamaat eqqumiilligaluttuinnarpoq.

Demokraatit nilliaatigaat Aningaasanut Inatsisissaq 2019-imut atsiugartik iluaralugu perusutartik pillugu. Massakkut oqarput KNI nalunaarutaa, illoqarfinni unammillernissamut tunngasoq, ajoralugu. UNA toorlugu atuarneqarsinnaavoq

Tamanna pisussaanikuuvoq, taamani Demokraatit isorliunerusunut sipaarniarnissaq sorsuutigimmassuk, tassa kiffartuussinissamut isumaqatigiissutaannik peersiniarneq. Kingorna pissusissamisoortoq pivoq, unammillertariaqalersoq. Qanoq taava A aalajangeriarlugu, kingorna nilliaatigisinnaava B? Ernumassuteqarani aalajangikkat mikisumik allaqqagaluartut atuarneqartartussaapput.

Uagut Partii Naleraq sinnerlugu Aningaasaqarnermut Inatsisissaq 2019-imut atsiornikuunngilagut, tamannarpiarlu patsisit annerusut ilagaat. Isorliunerusunummi pilersorneqarneq ajoquserneqangaatsiassammat, taavalu KNI allanik aningaasanik aallerfissarsiulissammat. Tamanna kingullertigut §37 apeqquteqaatitsinni ilaatigut UANI takuneqarsinnaavoq

Massakkullu liberalist-it siuttuisut imminut taakkartuutaa, suliffeqarfinnut akileraarutissat appartinneqarnissaat ukiormanna ilanngunnikuunngilaat. Aali tamanna poilitikkikkut taperserneqaraluaq.

Ilumoortumik isumaq sumiippa? Immaqa eqqarsarluakkamik pisortatigoortumik tamanut nalunaaruteqarneq pissusissamisuussasoq? Partiimmi isumaqatigigaanni, isumaqatiginngikkaluaraanniluunniit, inissisimaneri ersarissumik paasigaanni demokratiimut peqqinnarnerpaavoq.

– Pele Broberg

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt