Siammarteruk

Ajorpoq! Naalakkersuisut Demokraatillu aalisarnermut iliuusaat akuersaarneqarsinnaanngillat, naammaleqaaq.

Aalisarnermut Naalakkersuisoq Nikkulaat Jerimiassen tamanut nalunaarutimini oqaleriallarpoq “Erseqqissaassutigissavara isumasioqataasut Aalisarneq pillugu Ataatsimiititaliarsuup sulinissaata naggataasumik oqaluuserineqarneranut isumaqataammata” tassa “Taannaavorlu Ataatsimiititaliarsuup sulinissaanut tunngavigineqartussaq”.

Tamanna inaarutigisimavaat susassaqartut, minnerpaamik KNAPK-luunniit tusanngiivillugu. Allaat siulittaasoq Henrik Sandgreen Sermitsiamut oqartariaqarluni ”aalisarnermut seminarertitsisoqareersoq Nikkulaat Jeremiassen oqaloqatigaara, kisianni susoqarsimanersoq ilisimatinneqanngilanga. Susoqarnersoq ilisimanngilarput!”

Aasit ammasumik sullissiniarneq neriorsuut killormorluinnaq isertuussinersuaq, allaalluunniit Inatsisartuni aalisarnermut ataatsimiititaliaq ilisimatinneqanngilaq.

Aali ataatsimiititaliap pilersinneqarnissaanut Naalakkersuisut siulittaasuata Kim Kielsen-ip susassaqartunut peqataatitsinissaminut qajassuunnagu neriorsueqqissaarnikuusoq, soorlu ilaatigut KNR-ikkut oqartoq ”amerlanerpaanit taperserneqarluni isumaqatigiissutigineqarnissaa naalakkersuisooqatigiilersut angorusuppaat”.

Akuersaarneqarsinnaanngilaq, mittatilliineruvoq. Partiit Naalakkersuisuutitaqartunukua akerleriittut? Sooruna susassaqartut peqataanngitsut? Naammaleqaaq! Ammasumik sulineq aallartittariaqalerpoq.

 

Link:

https://sermitsiaq.ag/kl/sandgreenaalisartut-pissutsit-naammagiunnaalerpaat

https://naalakkersuisut.gl/kl-GL/Naalakkersuisut/Pisut/2019/02/180219-Naeste-skridt-er-at-vedtage-en-fiskerikommission

https://knr.gl/kl/nutaarsiassat/aalisarneq-pillugu-inatsisissaq-ataatsimiititaliarsuarmut-suliassanngortinneqartoq

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt