Siammarteruk

Atorfiup imarisaa

Partii Naleraq pilersinneqarnerminiilli 2014-imi maannamut alliartuinnavissimavoq. Kommuninut aammalu Inatsisartuni qinigaatitaqarsimalluni.
Partiip siunertaanik tapersersuisut katersuuffeqarnissaanik sulissuteqartuuvoq, kivitseqartigiinnermik aammalu kiffaanngissuseqarnerunissamik (Social-liberal), nunatta inuiaqatigiit Kalaallit pigilernissaanik sulissuteqartumik.
Akisussaaffiit aammalu suliakkiissutaasarsinnaanerusut
Partii sinnerlugu ulluinnarni allaffissornikkut allattoqarfikkut aammalu aningaasaqarnikkut ingerlanneqarnera. Allattaaneq partiimi sulisuni qullersaavoq.
aammattaaq
Allaffeqarfimmi ataqatigiissaarineq suliani akisussaavoq. Minnerunngitsumik ilaasortat allattugaatiginissaat ataavartumik partiimi killiffik nakkutiginissaa, akiliutit, paasissutissiineq ilaasortanut, sinerissami peqatigiiffimmiittut attavigisarnissaat, partiip iluani pikkorissaanerit aammalu pilitikkikkut nutarterinermi ataatsimiititsisarnierit.

• Ataqatigiissaarisuulluni nukittorsaasuullunilu allaffeqarfimmi aammalu partiip tamakkiisumik ineriartornerani, tamatigullu pilersaarutit timitalerneqarnissaat piviusunngortinnissaannut.
• Partiip siunertaanik aammalu qineqqusaarutaanik allannguutissanik piviusunngortitsisussaallunilu politikkikkut suaaruteqartarnerup ataqatigiissaarinissaq.
• Partiip siunertai aallaavigalugit nuna tamakkerlugu qineqqusaartussat ataqatigiissarnissaat, qulakkeerniarlugu nunap inui sullilluarnissaat qulakkeerniarlugu.
• Siulersuisuunerit aammalu ulluinnarni aqutsisut aaliangingaanik timitalersuinissaq.
• Partii immikkoortortaqarfiillu aammalu nuna tamakkerlugu ataqatigiissarlugillu ikiorsertarnissaat.
• Akisussaanerpaavoq qineqqusaarutit aammalu qineqqusaarnerup pilersaarusiorneranut qinersineq suugaluarpalluunnit (Nunaqarfimmiut sinniisaat, Kommuunit, Inatsisartut aammalu Folketingi).
• Ataavartumik sullissinerup nalilersorneqarnissaa, pitsaanerpaamik allaffissornerup sullissinissaa ilaasortanik amerlanerulersitsinissamik siunertaqarnermut.
• Suleqatissanut partiinullu allanut attaveqarluarsinnaanissaq pingaaruteqarpoq.
• Siunnersuinissaq Siulersuisuunernut aammalu Inatsisartunut ilaasortanut.

Partiip allattaanera ulluinnarni aqutsisunut peqataasarpoq, ataqatigiissarniarlugu politikkikkut aqutsineq aammalu allaffissornikkut sulineq. Allattaaneq ulluinnarni aqutsisuni ataatsimiinneranni imaqarniliortuuvoq.

Kinaassutsit

Najugaqarfik: Suliffeqarfik inatsisartoqarfimmi Partiit allaffeqarfiani inissisimavoq, qinnuteqartorlu aallaavigalugu periarfissaqarluni pisortat inissiaataani inissaqarsinnaanissaq.
Oqaatsit: Atassuteqarnissaq Kalaallisut piumasaqaataavoq, oqaatsitigut allattariarsornikkullu. Tuluttut qallunaatullu oqaatsitigut ilisimasaqarluarnissaq iluaqutaassaaq.
Atuagarsornikkut ilinniarsimanissaq: Qaffasinnerusumik ilinniarsimanissaq iluaqutaassaaq.
Qinnuteqartoq allaffissornikkut misilittagaqarluarsimanissaa aammalu politikkikkut paasinnilluarsinnaaneq suliffeqarfittullu pilersaarusiorluarsinnaaneq iluarnerutinneqassaaq. Soorlu
kattuffimmi peqatigiiffimmiluunnit attaveqaqatigiinnermik pingaartitsisuusimasuni misilittagaqarluarsimaneq.

Inuttut piginnaasat

Naatsorsuutigineqarpoq allattaaninngortussaq Partii Naleqqap ineriartornissaanut malunnaateqarluartumik peqataanissaa.

Takorluukkatta ilarivaat allattaanerup
• Inuiaqatigiit aatugassarititaanik malinnaasuusoq nalunagulu inuiaat naalakkersuisooqataanerat qanoq suliaanersoq.
• Politikkikkut paasinnilluarsinnaanera aammalu partiip immikkoortortaqarfiisa suleqatigiilluarnerat pingaaruteqarluarnera.
• Suleqateqarluarsinnaanissaq aammalu takorluukkanik piviusunngortitsisinnaanissaq aammalu sulisut allaffeqarfillu ataatsimoortillugit anguniagaqaqatigiisitsinissaq.
• Namminiiussuseqarluni allat utaqqinagit suliaqarsinnaanissaq.

Atorfimmut akissarsiat immikkut isumaqatigiissutaassapput. Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Sulisussarsiorneq killeqarpoq naleqquttumik atorfinittitsinermi, kingusinnerpaamilli 1. Marts 2020.
Qinnuteqarnermi naatsorsuutigineqarsinnaavoq paasissutissat isertuussaanerusut tunngavilersuutaasinnaasut amerlanerusut pissarsiarinissaat.
Qinnuteqaatit aamma soraarummeernernut uppernarsaatit assigisaallu, suliffigisimasanullu paasissutissat qinnuteqaammut ilanngunneqassapput

Facebook aqqutigalugu qinnuteqarfigineqarsinnaavoq atorfik:
https://www.facebook.com/partiinaleraq/

 

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt