Siammarteruk

Tusagassiorfitsigut paasivarput Naalakkersuisoqatigiit partiivi Naalakkersuisut ilanngullugit Ilulissanut siunissami aalisarnermik inatsisissap ataatsimoorussamik allorarsaaqatigiillutik suliariartortussaagaat.

Naak Naalakkersuisoqatigiit, Naalakkersuinikkut tapersersortiminnit aggersarneqarlutik “seeqqummeriartuinnartussaallutik” nipeqartinneqaraluartoq, qanoq ililluta tamatsinnut iluaqutissaq eqqartussallugu pissusissamisoorneruvoq.

Aalisarnermut ataatsimiititaliarsuaq neriuuteqarfigisinnaanngilarput Naalakkersuisoqatigiit aamma Naalakkersuisut tapersersortaasa Nunatta siunissaa qanoq ittuusoq ilusilersussallugu ilisimanngippassuk. Aningaasanummi inatsit 2019-imoortoq eqqartorneqarmat Naalakkersuisooqatigiit tapersersortaasa oqaatigaat aningaasanut inatsisissaq ajunngilluinnartoq, paarlattuanik KNI A/S pillugu eqqartuisoqalermat namminneerlutik unammilleqatigiinnermik periarfissiisoqassasoq siunissaq eqqarsaatigalugu isumaqataakuttoorsinnarlutik isumaqataajunnaariataarnerat. Soormi taava aningaasanut inatsisissaq atsiorsimavaat?

Naalakkersuisoqataasut Siumut siuttuliullugu aalisarnermut inatsisissap, qanoq isikkoqarnissaa suliluunniit siunnersuusiorfigisimannginnamikku, Naalakkersuinikkut tapersersortaasa aggersarneqarnerannut ilimanarneruvoq. Taamaattumik qulliunerusut ataatsimooriartornerneraniik naveersikkiartuinnartutut taarusunnarneruvoq. Oqarusunnarsigaluarporluunniit “kiisami”.

Partii Naleqqamiik patajaattumik aammalu eqqissisimasumik aalisarnermik inuussutissarsiuteqarnerup siunissaa qulakkeerusunneruarput, taamaattumik Naalakkersuisoqatigiit aammalu Naalakkersuisoqatigiit tapersersortaasa soqutigisaqaqatigiit, namminersortut aammalu inuiaqatigiit sinnerlugit politikikkut aallartitat inatsisartuni tamatsinnut iluaqutissaq anguniarlugu sulilernissaat utaqqimaarumaarparput.

– Pele Broberg

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt