Siammarteruk

Tusagassiorfinnut nalunaarut

Erfalasorput 21. Juni 1985 atoqqaarfissiorneraniit ukiut 35 qaangiusimalerput.

 

Erfalasorput pisortat ullorsiorneranni kisiat atorneqarneq ajorpoq annertuumilli inuiaat kalaallit persuarsioraangata danskit erfalasuat paarlannikuullugu, soorlu kaffisortitsinermi.

Nunarsuarmioqataanitsinni aamma erfalasorput atorneqartarpoq, annertunngikkaluamik kisianni kalaallit timersoriat erfalasorput atullattaarpaat Dannebrog paarlannikuullugu. Danskit erfalasuat.

 

Timersortartutta erfalasorput tanngassimaarutigalugu saqqummiuttarpaat inuiaqatigiit kalaallit taperserneqarujussuartarlutik PanAm, AWG arlaajugaluarpalluunniit timersorneq.

Inuiaqatigiit kaalaallit akuuffiginissaat tanngassimaarutaajartornerat qallunaanngorsagaanerup milliartortinneqarnera ilutigalugu pingaaruteqaqaaq. Unammillerfiusuni timersornerup silarsuaani erfalasutta atorneqaleraluttuinnarnera aalluttigu, sakkulersorfiunngitsumik naalagaaffinngornissamut suliatta danskit tunngaviusumik inatsisaanniit nunatta allaqqajunnaarnissaanut suliap ingerlannerani.

 

Nunasiaataanerup kingunerisaanik kalaallit kinaassusaannik pilersitsiniarneq, qallunaanngorsagaajunnaarluni, pilersitsiniarneq ataqatiginngilluinnarpaa Naalakkersuisuit partiillu ilaasa suaarutaat erfalasutta danskit sakkutuuisa sorsuutaanullu nivinngarnissaa. Danskit nuannareqqusaarlutik suaarutaat orniginarsinnaagaluarpoq, sualummik Naalakkersuisoq susassaqartoq oqariartuuteqarnera sakkutooqarata naalagaaffinngorsinnaanngitsugut. Oqariartuut piviusunik tunngaveqanngilluinnartoq.
Kisiannili inuusuttatsinnik qallunaanngorsaaneq sakkutuunngorsaaneq aqqutigalugu erfalasuttalu Danmarkip atorumanninnera akuersaarneqarsinnaanngilaq. Tunngavilersuutit arlaqarput.

 

Pingaarnertut naluneqanngittariaqarpoq Danskit sakkutuui inuiaqatigiit allat erfalasuat atorneq ajoramikku. Danmarkimut tunniusimasuupput. Efalasorpulli inuiaat kalaallit erfalasorivaat. Statsministeriullu oqariartuutaa aallaavigiinnaraanni, taava Kalaallit Nunaat Danmarkiunnginneraarpaa. Kalaallit Nunaanngooq Kalaaliuvoq (uanga nutsigara).
Tamannaannarluunniit folketingimi ilaasortat qisuariarfigisimasussaagaluarpaat. Taavami isumaqassava Danskit sakkutuui Irak-imi sorsugiat aamma Irak erfalasua atussagaat? Bornholm immikkut erfalasuat atussavaat, Bornholm-imi sakkutuut aallartitaqarpata?

Uanga akuleriffigissanngilara Danskit sakkutuui erfalasoq sorleq atussanaeraat. Qallunaat tamanna oqartussaavigivaat.

 

Aappaattut nalunngittariaq tassaavoq Danmark sakkutuui nunatsinniinnerat aallaveqartoq nunasiaataasimanitsinnik, kingornalu oqartussaavilernata nunatta Danmarkip 1953-imi piginnittunngorfigimmagu. Danmarkip nunaatsinnik piginnittutut nakkutilliinerannik aallaavilik. Innuttaasut aperinagit allanillu periarfissinnagit piginnittuussuseq Danmarkimut nuunneqarneranik aallaavilik.

Danmark eqqunngitsuliorneq aaqqiivigilaarniarlugu marloriarluni inatsisiliornikuuvoq. Siullermik Namminersornerulernissamut Inatsit kingullerlu Namminersornermut Inatsit maanna atuuttoq 2009-meersoq. Innuttaasut taasititsinerannik akuerineqarnikoq folketingimilu akuerisaq. Tassani ersarissumik killilerneqarnikuulluni inuiaqatigiit kalaallit oqartussaasinnaanerat sillimaniarnermut illersornissamullu tunngasunut, tamanna danskit tunngaviusumik inatsisaanni allaqqammat danskit kisimik oqartussaavigisinnaagaat.

 

Tamakku tunngavilersuutimma ilarilluinnarpaat sooq nunatsinni issittumi nakkutilliisussanik pilersitsinissaq, soorlu Islandimi iliuuserisimasaat ilaarlugu (aap Islandimiut sakkutooqanngillat taamaakkaluartoq kunngiitsuuffiupput naalagaaffittut).

Nakkutilliineq soorlu Sirius aamma aalisartunik nakkutilliineq sakkutuunit ingerlanneqarunnaarli nunatsinnilu pilersitsisa atorfinnik nakkutilliisussanik. Naak danskit illersornissaqarfiata ataani inissisimagaluarluni akilersugaagaluarlunilu hjemmeværnslov atorneqartussaq naleqqussarneqarsinnaavoq nunatsinni nakkutilliisut danskit sorsunneranni atorneqarsinnaannginnissaat qulakkeerlugu.
Taamaasilluta qallunaanngorsaajunnarluta inuiaat kalaallit aallaavigalugit pilersitsisinnaagaluarput periuutsinik nutaanik. Periuutsit atorsinnaasagut danskit naalagaaffeqataaniit anigutta aallutiinnagassarput.

 

Pingaarneruvoq timersortartutta tamakkiisumik erfalasorput tamatigut atorsinnaanissaat, timersuut suugaluarpalluunniit. Inuiaqatigiit kalaallit pissarsissutigisinnaanngilaat danskit sakkutuui sorsuutaallu erfalasutta atornerat.

Namminiilivikkusuttuusaarlutik naalakkeruisut aammalu partiillu allat oqariartuutaannut akerleriippoq kalaallit inuiaqatigiit sakkutuunngorsarniaraanni danskit sakkutuuinut. Tassa nunasiaataanerup nukittorsarnera, namminersornerullu inatsisaata inuiaat kalaallit illersorniarlugit isumaanik aporaattoq. Suli Naalakkerusisunit ersarissumik akissutisinngilanga Naalakkersuisunit, qanoq qulakkeerniarneraat danskit nunatsinnut aallartitaat akuusassannginnerat qinersinerni taasititsinernilu. Inuiaat kalaallit illersorniarlugit qallunaanngorsaanerannut sakkutuunngorsaanerannullu atatillugu piumasarinikuusara.

 

Ilumoorsinnaanngilaq qinersinermi inatsisit allanngortinneratigut illersortariaqassasugut danskit sunniiniarnerannut, pimoorunneqarsimagaluarpat inuiaqatigiit kalaallit soqutigisaat illersornerat namminersornermut inatsimmi allaqqasoq malinneraniaraluarpat.

Paasissutissanik sukumiinerusunik piniaruit attavigisinnavarma

 

Pele Broberg

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt