Siammarteruk

Inatsisartut sumininnguamilluunniit suliarineranni ukiut arlaqalertut eqqartorneranni ataasiaannarluunniit immikkut ittumik isumannaallisaaneq avaqqullugu akuerinnittoqarnissaa qaqinneqarnikuunngilaq. Killormoortuali qulakkeerinnissutigineqartuarnikuuvoq.

Milliard arlallit atulerpagunngooq, taamaakkaluartorli isumannaallisaanermut nunat tamalaani akuerisaasut maleruagassat avaqquttariaqarlugit, mittarfiit milliard-erpassuallit naammaginanngitsut. International mittarfissuartaalinngilagut, pilerparput mittarfik innarligaq eqqumiikajaartoq.

Tassa isertuussinersuup kingunerisaa. Inuiaqatigiit paasitinneqaannaratik, aamma Inatsisartut suliarinnittut akuersisussat ataasiaannarluunnit tamanna akueriinnarnagu eqqartornikuunngilaalluunniit.

Naluneqanngilaq Partii Naleraq mittarfissuassanut akerliungaatsiarnikoq, naak Inatsisartut akuerimmassuk demokrati aqqani ataqqigipput, aalajangigarlu suleqataaffiginiarlugu. Kisiannni amiilaarnaqaaq siornatigut sumininnguamilluunniit eqqaaneqarnikuunngitsoq maanna atuutileriasaartoq.

Naalakkersuisut inuiaqatigiinnut, Inatsisartunut, ataatsimiititalianut, akisussaasunullu tassa isertuussinerata kingunera. Naammalerpoq, tatiginassuseq tassunga killivippoq.

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt