Siammarteruk

Folketing-imut ilaasortat Kalaallit Nunaanni qinersisitik sumiginnarpaat, qinersivitsik sullitassartik puigorlugu.

Kalaallit Nunaat qinersiviuvoq ataaseq, Folketingimut ilaasortat marluk qinigaasarput. Taakkualu ilaatigut ulluinnarsiutitut oqaatigineqartartutuut taaneqartarput: “Nunat avannarliit ilaasortaatitat”.

Taakku ilaasortat marluk pituttugaanatik namminiiussuseqarlutik sulisinnaallutillu taasisinnaapput, Inatsisartuni ilaasortatuut taamatut inissisimasut assigalugit. Kisiannili pingaarutilimmik immikkut ilaasortaatitat taakku marluk allaanerusumik inissisimassutigaat Kalaallit Nunaanni innuttaasunit qinerneqartaramik. Kalaallinik, qallunaat nunaanni ilinniartunik qinerneqartanngillat, taakkumi qinersisarnermi inatsit naapertorlugu nunatsinneersunit folketingimut qinigassanngortittunut qinersisinnaatitaanngimmata. Kalaallit Danmarkimi najugaqalersimasunit qinerneqatanngillat.

Taakkuli pineqartut periarfissaraat Folketing-imut sassartut allat 175-it soqutigisatik aallaavigalugu ingerlatsisussat qinersisinnaallutillu.

Inatsisartut oqartussaaffiit aalajangersimasut akisussaaffigaat Qallunaat Naalagaaffianiit tiguneqarsimasut, aammalu aalajangissallugu akisussaaffiit allat qaqugu tigussanerlugit.  Folketing-ip oqartussaaffiit aalajangersimasut akisusaaffigai Namminersornermut inatsit aammalu Tungaviusumik inatsit aallaavigalugu. Kalaallit Nunaanni Folketing-imut qinigassanngortittut partiit Inatsisartuutitaqartuniit innersuussutigineqartussaapput. (Imaluunniit atsiortitsinernik peqartussaapput) tamannalu isumaqarpoq aqqutissatut nalinginnaasutut nunap ineriartortinnissaanut qulakkerininnissamut. Innuttaasunut iluaqutaasumik kiffartuussinissamut.

Folketing-imiinneq taamaammat pisussaaffiliivoq Naalagaaffiup akisussaaffini pitsaasumik naammaginartumillu ingerlatissagai. Akisussaaffik pitsaasumik suliarineqarsimanngilaq sulissutigineqarsimananilu Kalaallit Nunaanni pissutsit qinersisartut atugaat pillugit pitsanngorsarnissaanut. Kalaallit Nunaanni innuttaasunut.

Inatsisartunut ilaasortatut Partii Naleraq sinnerlugu Folketing-imut 2019-imi qinersinissamut annertuumik tulluusimaarlunga ataatsimooqatigiinnermut ilaallunga sassarsinnaagama. Taamaammat qilanaarutigeqaara qineqqusaarutitta imarisai pilersaarutaalu pillugit qineqqusaartitat tamarmik nalunaarutigineqareerpata annertunerusumik oqaluttuarinissaanut.

Maannangaaq oqaatigereersinnaavara innuttaasut Danmarkimiittut qitiutinneqassanngimmata,  naak immitsinnut qanilaassuseq pigiinnaaraluaripput kalaallit uagut akornitsinni.

 

Assigiinngitsut arlaqartut qitiutinneqartussat Folketing-imi sulinermi makkuupput:

  • Niuerneq pitsaanerusoq inuussutissalerinerup aqutsisoqarfiup ataaniittut aammalu nunanut allanut tunngassuteqartut.

Ullumikkut Kalaallit Nunaat toqqaannartumik nunanik allanik niueqateqarsinnaannngilaq, Inuussutissalerinermut aqutsisoqarfik suli avammut niuernermik akuersissutissanik certifikatinik Nunanut allanut sullissiveqarfik suleqatigalugu suliaqarsimanngimmat.

Tamatuma eqqussuinerup annissuinerullu qitiutinnerata pitsanngoriartissavaa, pitsaanerusumik akikinnerusumillu nioqqutissanik ilisivinniitoqalerneranik aammalu akit pitsaanerusut aalisakkanut raajanullu nunatsinniit annissorneqartunut.

  • Angallannermi inatsisit pitsaanerusut, angallannermut aqutsisoqarfiup ataaniittut.

Ullutsinni allaffissornikkut periuseqarluni iliuuseqartarneq pisariusuuvoq nuna allamiut timmisartuussinissaannut, nunatsinnut nunatsinniillu, kiisalu Kalaallit Nunatta iluani.

Tamanna allanngortittariaqarpoq, angalanermi billitsit iluaqutaanerusumik akikinnerulernerisigut. Akisussaaffiit nunamut naleqqussartariaqarput, taamaalilluni eqaannerusumik innuttaasunut akikinnerusumillu sumiiffimmiit allamut nikissinnaanngortillugit.

  • Ataavartumik ineriartorneq qulakkertariaqarpoq, aningaasaliinerit ilanngullugit, akisussaaffeqarfeqarfiit Naalaagaaffimmiit ingerlanneqartut Kalaallit Nunaat sinnerlugu.

Namminiilivinnissatsinnut utaqqississanngilagut akisussaaffiit Qallunaat Nunaata akisussaaffigisaasa pitsanngorsarnissaanut. Qallunaat Naalakkersuisuisa Kalaallit Nunaanni innuttaasut kimingiiserluni kingulliuteqqissappatigit tamanna nipangiinnarluta isiginnaaginnarsinnaanngilarput.

  • “Kiffaanngilagut” taamaattorli Kalaallit Nunaanni qinersisartut aallartitaaraatigut.

Nunasiaateqarnermik eqqarsartaaseqarneq nunasiaataasimanermik aallaaveqarpoq, piffissanngorsimavoq nassuerutigissallugu akisussaaffipput aamma Kalaallit Nunaanni innuttaasut Folketing-imi sullisilernissaat.

Folketing-imi issianeq tassaavoq Kalaallit Nunaanni pissutsinik akisussaaqataaneq aamma Kalaallit Nunaata soqutigisai sulissutiginngikkutsigit taava kikkut sullisissagamitigut? Qallunaat Folketing-imi ilaasortaasa sullinnavianngilaatigut.

  • Qallunaat Nunaat sorsunnernut peqataasarpoq nunarsuarmi kiffaanngissuseqarnissaq qularnaarniarlugu.

Taamaattorli Kalaallit Nunaannut attuumassuseqartut eqqartorneqaleraangata qunugalugu tunuarsimaarfigisarpaat taamatullu namminiilivinnissaq eqqarsaatigineqaleraangat. Oqallinneq untsinniarneqapallattarpoq. Namminiilivinneq imaanngilaq avissaarluni qimagunneq.

Namminiilivinneq taassaavoq namminerisamik siunissamik akisussaaffimmik tingusineq, nunarsuarmioqatinut Qallunaat Nunaannullu tunussilluni kipisinerunngilaq, taamaanngilluinnarpormi. Namminiilivinnissaq folketing-imi akuerineqaqqaartussaavoq piviusunngortinneqassaguni.

 

Taamatut naatsumik ilisaritilaarlunga qineqqusaarnermi iserfigisarumaakkat suaarutigaakka, qilanaarpungalu qinersinissap tungaanut ataavartumik itisilertarnissaanut, qinersineq kingusinnerpaamik juni 2019-imi pisussaavoq.

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt