Siammarteruk

Tusagassiorfinnut nalunaarut

Pingasunngornerup unnukkuani 25/9-2019 Qanoruumi Partii Naleraq oqartinneqarpoq hybrid-biilit januarip aallaqqaataaniit 2020 aakitsuutinik eqqussuiniartutut
Assiganik radiomi oqariartuutaavoq 26/9-2019, ataasinnguamilluunniit tusagassiortut Partii Naleraq attaviginikuunagu ilumut oqartitsinertik eqqortuunersoq tusarniaaffiginagu.

Taamaammat pingaaruteqarpoq Partii Naleqqamiit erseqqissaammik, oqarluaannaraanniluunniit naqqiinermik nassiussinissaq.

Soorlu tusagassiortut nalussanngikkaat, ukiup naanerani atorunnaassaaq immikkut ittumik akiliinnginnissamut akuersissut. Aningaasanut inatsimmut 2019-imut isumaqatigiissutimut allaqqasoq. Taamaasilluni kallerup inneranik/Brint-imik aammalu hybrid biilit tamarmik eqqussinermik aammalu ukiumoortumi akitsuutinik akiliisalertussaallutik tamakkiisumik.
Tamanna Partii Naleqqamiit piumasaqaataananilu kissaataanngilaq, naluneqanngilarmi 2019-imut aningaasanut inatsimmut akuerseqataanatalu peqataanngilagut.
Taamaammat eqqortumik taaneqarsinnaanngilaq oqartitsiniaaneraluaq Partii Naleraq akitsuutinik eqqusserusuttutut hybrid-biilinut januarip aallaqqaataaniit 2020

 

Akerlianik sulisimavugut innuttaasut malitassaat inatsisit ersarissinissaat. Taamaasillutik siunnersuut eqqarsaatigineqarluarsimanngitsoq kingunerisaanik politikerit isummerusunnatik kinguartitsisaqattaarfigisimasaat, ukiut tamaasa ernumasarunnaarnissaat qulakkeerniarlugu. Siunnersuummi miguttitsinnginnissaq aamma CO2-mik aniatitsinnginnissamut pilerisaarineq qulakkeerinnippoq siunissamut. Tamannali kisiat naammanngilaq. Tassami nunatsinni biilit 4.000 pallillugit amerlassusillit CO2-mik aniatitsinerat, nunatta tamakkiisumik aniatitsinerata 2%-ia sinnilaaginnarlugu tassanngaanneermat.
Sammisassatta pingaarnerparivaa inissianik kiassaanerput, Co2-mik aniatitsinitta 40% missaani anertussusaa, assigisaallu aamma annertunerujussuit qiviagassaralugit.

Soorlu kallerup innerata, erngup nukinganik pilersitaq atorlugu akikinnerusumik immiisinnaanissaq, sarfaq maangaannartiinnarnagu.

Suli nunarput tamakkerlugu erngup nukinga iluaqutigisinnaanngimmagu, Partii Naleqqamiit pingaartuuvoq angallenneq nunap sinnerani aamma qulakkiissallugu. Tassunga atatillugu naluneqanngitsutut kisiartaalluta aningaasanut inatsimmut oqimaaqatigiissumik (aningaasartalikkamik) siunnersuuteqartuuvugut qulakkeerniarlugu snescooterit aamma 4-hjulerit akitsuutaarunnissaat. Tassunga atatillugu soorunami hybrid-biilit akitsuutissaat oqaluuserinerat ilaavoq.

Erngup nukinga atorluaanissamut kaammattuutip atornerlunneqarsimavoq. Ullumikkummi akikinnerunngitsutut inisseqqavoq hybrid-it batteriia immerneqara erngup nukinganik, benzinamik ingerlatamik motoorianiit.

Naliginnaasumik akitsuutinik akiliisalernissaq pilersaarutaajuarnikoq isumaqarpoq aamma el/brint hybrid biilit ukiumoortumik akitsuuteqartalernissaat.
Tassani Partii Naleqqamiit pingaarsimavoq minguttitsinnginnissamut kajumissaanissaq, ilaatigut ukiumoortumik akitsuummi affaannaa el/brint biilit akiliisassallutik, soorunalumi piivinnissaa eqqussinermi akitsuut. Inersuarmilu ersarissarneqarpoq inatsisissatut siunnersuummi naqqiut ilanngutinngittoorsimanera, tassa hybrid biilit ukiumoortumik akiliut naliginnaasut akitsuutit 75%-ianut innersuunneqarmat.

 

Naggammut erseqqissaassutigissaaq inatsimmut siunnersuutip siunertarimmagu aningaasaqarnermut oqimaaqqatigiinnissaa landskarsimut. Taamaammat hybrid-inut akitsuutit malittussaavaat snescooterinut aamma 4-hjulerinut akitsuutaarunnerat. Paarnaaqqanani kisianni %-itut innersuutit aallaaviullutik.
Inatsisissamut siunnersuut taamaasilluni akitsuutinik eqqussiniarnerunngilaq, kisianni qulakkeerinninneruvoq akitsuutaajaanerulluni.
Ukiumoortumut aningaasanut inatsimmiit politikkikkut sakkutut peerlugit aktsuutit.

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt