Siammarteruk

Naalakkersuisut siulittaasoqarfiata Nunatsinni qinigaanani atorfik tamani qaffasinnerpaamut sulisussarsiorput. Taannalu inatsisit unioqqutillugit sananeqarpoq.

Atorfimmut Naalakkersuisut Siulittaasuata Naalakkersuisoqarfimmi pisortaanermut Inuttassarsiuussinermi kalaallisut oqaatsitigut piginnaasaqarnissaq, kalaallillu inuiaqatigiianut kulturianullu ilisimasaqarnissaq piumasaqaatinut ilaasussaagaluit ilaanngillat, atorfinitsitsinermut kaajallaassitaq malinneqanngilaq.

Inuttassarsiuussinermi piginnaasarisassaatut ilanngunnagit, saniatigut allaannarsimavaat:

”Tamatuma saniatigut ilinnut tunngatillugu… qinnuteqartoq kalaallisut… oqalussinnaappat iluaqutaassaaq”

”kalaallisut oqaatsit pillugit ilisimasaqarluartutit”

Naalakkersuisoqarfimmi pisortaanersatut piumasaqaatini kalaallisut oqaatsitigut piginnaasaqarnissaq, taavalu kalaallit kulturiannik inuiaqatigiinnilu pissutsinik ilisimasaqarnissaq piumasaqaataasussat paatsuugassaanngitsumik naqissuserneqarput, naligalugit suliffimmut piginnaasarisassat.

Naalakkersuisoqarfimmimi pisortassaq iluaqutaaginnartussaanngilaq taavalu ilisimasaqaannartussaanngilaq kalaallisut oqaatsitigut. Kalaallisut oqaatsitigummi piginnaasaqartussaavoq, taavalu kulturimut inuiaqatigiillu pissusiannut ilisimasaqartussaalluni.

Inatsisaasut unioqqutillugit inuttassarsiuisoqarpoq.

Kiap ilimagaa Naalakkersuisut namminneq malitassaq sanaartik aasit unioqqutissagaat, soorlu akissarsiaqartitsinermut politikkimisut pillugu. Uagut allaat Partii Naleqqamiit qatsuppagut kukkuluttornerit, qanorluunniit uagutsinnut politikkernitikkut iluaqutaassagaluit.

Naalakkersuisut inatsisit maliinnarsinnaanngilaat, nammineq atorfeqartumut inuttassarsiuussineq allatsinnagu?

 

Najoqqutarisat:

UNA TOORUK atorfininnermut kaajallaassitaq takuniarlugu

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt