Pisortatat ingerlataanni inunnik angallassisarnerit illoqarfiup iluani ingammik illoqarfinni anginerusuni pingaaruteqartorujussuuvoq ataqatigiinnissaa, taamaasilluni illoqarfik tamaat imminut ataqatigiisillugu innuttaasoq suliartorluni pisiniarfiliarluni imaluunniit sunngiffimmini sammisaqartitsivinnut ornigussinnaanera pitsaasuuniassammat.

Tamanut ammasumik angallanneq eqqartortillugu pingaaruteqarpoq innuttaasut atorfissaqartitaat tusarnaarluassallugit, soorlu bussinut attaveqaatit eqqarsaatigalugit. Nunap atortulersugaanera angallannerlu pillugu aalajangigassat, innuttaasoq aallaavigalugu tamatigut suliat aaliangiinerillu ingerlanneqartussaasut Naleqqamiit isumaqarpugut.