Aningaasaqarnerut Akileraartarnermullu Naalakkersuisoq Erik Jensen (S) isorliunerusuni ineriartornissaq kingulliullugu aallarteqqippoq aammalu Inatsisartunut saqqummiunneqarsimanngitsumik tunuliaqutitaqanngitsumillu Finansminister Nicolai Wammen atsioqatigisimagaa ullumi Sermitsiami Thomas Munk allaaserisaani saqqummiunneqarpoq.

Siumut pisarnertut isorliunerusunut illoqarfinnullu kingulliutitsisaarnerata aallarteqqinnera Naleqqamiit akuernngilluinnarparput. Qasigiannguani Aasiannilu ukiorpassuarni utaqqineqarsimasoq nukissiuutiliornissaq Naleqqamiit pingaartillugu siunnerfiunerani Naalakkersuisooqataanitsinni piviusunngornissaa pillugu aqqutissiueqataasimanerput kinguarsarneqaqqilluni kingulliunneqaqqilerluni atsioqataassutigisimanera Naleqqamiit akuerisinnaanngilluinnarparpu.

Aasiammiut Qasigiarmiullu pilliutigineqaqqinnerat akuersaarneqarsinnaanngilluinnarpoq isorliunerusut kinguarsaaffigineqartuarlutillu kingulliunneqartuarnerat kingumut Siumut suliaralugu ingerlateqqiligaa Naleqqamiit akuersaanngilluinnarparput.

Inatsisartuni suliakkiissutaasoq naammassiniarlugu suliassaavoq taamaammat kingulliunnagit naammassiniarneqarnissaa sakkortuumik Naleqqamiit matumuuna kaammattuutigaarput utaqqipput aammalu innuttaasut inoqarfinni mikinerusuni peqataarusupput kingulliuttuarneqarnertik qatsuppaat qineqqusaarnerinnakkut neriorsorneqartarnertik qatsuppaat.

Nikussaartariaqalerput inoqarfiit mikinerit nunaqarfiillu kinngulliuttuarneqarnerput akuerinagu.

Ikinngutinnersumik inuulluaqqusillunga

Jens Napaattooq