Inuussutissarsiorneq nukittooq periarfissalersugaq aamma ineri- artorneq kommunit tamarmiusut kissaatigisaasa ilagilluinnarpaat. Kommunit ilaat inuussutissarsiutitigut siunnersuisooqatigiinnik pilersitsisimapput, kommunillu allat kommunep ingerlatsineranut ilanngutiinnarsimallugit.

Inuussutissarsiutitigut ingerlataqartut ilaatigut tassaapput aalisartut piniartullu namminersortut, taxartitsisut, pisiniarfinnik piginnittut niuertarfiit suliffeqarfippasuillu allat.

Naleraq isumaqarpoq kommunimi namminersortut suleqatigilluarlugit oqaloqatigiilluarnikkullu periarfissai aporfilersornagit inerisaanermut pitsaaasumik aqqutissiuullugit suleqatigisariaqarluinnartut. Illoqarfiup uummatai suliffinnik ilinniarfissanillu taakkuupput qulakkeerinnittut. tamannalu pingaartillugu inuussutissarsiuteqarneq ingerlalluarsinnaasoq Naleqqamiit suleqataaffiginiarparput. Tamanna pillugu pingaaruteqarpoq kommunep ataani immikkoortortaqarfimmik pilersitsissalluni inuussutissariornerup sinniisuinik attaveqaannavissinnaasumik. Kommunep suliassaraa inuussutissarsiutillit tapersersussallugit, ingerlalluarnissaat inooqataanissaallu qulakkerumallugu suliniuteqartuarnikkut.