Ullumi pingasunngornermi 22. Maj 2024 inatsisartuni ataatsimiinnitsinni Naleqqamiit aalisartunut piniartunullu umiatsiaararsinissamut angallatisinissamullu tapiiffigitittalernissaat pillugu oqallisissiaq tamanit tapersersorneqarluni oqallisigineqarpoq.

Naluneqanngitsutut siusinnerusukkut Inuussutissarsiutigalugu tapiisarneq – ESU-lån – aalisartunut piniartunullu iluaqutaasimasoq atuussimagaluarpoq, ajoraluartumilli tamanna massakkut atuukkunnaarnikuuvoq.

Aalisarnermut piniarnermullu Naalakkersuisup oqallinnermi inatsimmik ullutsinnut naleqquttumik 2025-imi saqqummertussamik suliaqarniarluni neriorsuutigalugu oqaatigaa – Naleqqamiit apeqquserparput, kngusinnerpaamimmi aappaagu qinersisussaavugut. Aalisartut piniartullu utaqqisinninnagit Naleqqamiit ukiaru aalajangiiffisassatut siunnersuumik qaqitsilluta aammalu aningaasanut inatsimmut 2025-imullu ilanngunneqarnissanut sukataarukkumaararput.

Qularineqassanngilaq Naleqqamiit nunap Inuinut aalisartuusunut piniartuusunullu atugassarititaasut pitsangorsartuarnissai angorusullugit sukataaruteqartuartartugut.