Tusagassiorfitsigut oqaluttuaq alianaqisoq,Naja Zeeb Pedersen pillugu saqqummertoq, Naleqqamit Naalakkersuisut kaammattorusuppagut piaarnerpaamik iliuuseqaqqullugit.
Ersarissivoq aningaasat tunngavilersuutigalugit misileraatitut katsorsartinnissaa itigartinneqartoq. Sanilliullugu ersarippoq Danmarkimi misileraatitut katsorsartittarneq aningaasat aallaaviuneq ajortut, kisiannili nakorsat naliliinerat.
Maanna Folketingimut qinersisoqarpoq, tassanilu Naleqqap qineqqusaarutaaniippoq aningaasat napparsimaveqarfimmut atortakkat nunatsinni kaaviiaartinnissaat, Qallunaat Nunaannullu katsorsartikkiartortut Qallunaat Nunaata akilersortassagaat.
Tamanna anguneqareersimagaluarpat, taava Naja Zeeb Pedersen ersarippoq misileraatitut katsorsarneqarnissaa qinnuteqaataasinnaagaluartoq, aningaasalersorneq nunatsinni peqqinnissaqarfimmi killilersuutaanani.
Naja Zeeb Pedersen utaqqisinnaanngilaa qineqqusaarnerup naammassinissaa, taammaammat Naalakkersuisut maannakkorluinnaq iliuuseqarnissaat sakkortuumik kaammattuutigaarput.