Kunngeqarfik Danmark-ip nunatsinni susassaqarfiit 33-t suli oqartussaaffigaat. Pisussaaffeqarpullu susassaqarfiit taakkua nunatsinnut naleqqussartuarnissaat malinnaatilernissaallu.
Kunngeqarfik Danmark-ip taamatut pisussaaffeqarnera isumaqarpoq naleqqussaanerit malinnaatilernerilu akiligassarigaat.
Ulloq manna tikillugu inuussutissalerinermut oqartussaaffik (fødevareområdet) nunatsinnut naleqqusarneqaranilu malinnaatilerneqarnikuunngilaq.
Kingunerivaalu nunatsinni pisuussutitta pingaarnersaat, aalisagaq, nunatsinniik avammut toqqaannaq niuerutigisinnaanagu.
Kingunerivaalu Kunngeqarfik Danmark-ip nunatsinni inuussutissalerinermik oqartussaaffik oqartussaaffigimmagu, nunatta aningaasaqarnikkut ineriartorsinnaanera killilersoraat.
Uanga folketingimut iseruma sulissutigissavara inuussutissalerinermut oqartussaafik nunatsinnut naleqqussarneqalernissaa malinnaatilernissaalu.
Minnerunngitsumillu oqartussaaffik nunatsinniik ingerlanneqalernissaa anguniassallugu. Taamaaliornikkut nunatsinniik avammut toqqaannaq niuersinnaanerput qulakkeerneqassaaq.