Meeqqat atuarfiat meeqqanut inuusuttunullu tunngaviusumik inuunermi ingerlaqqiffiusumik periarfissiisuuvoq. Taamaammat pisariaqarpoq, isumalluutit amerlasuut meeqqat atuarfianut tunniunneqartassasut qulakkeerumallugu, meeqqat inuusuttullu tunngaviusumik ilinniarnissaannut sinaakkutissat ajunngitsuusut, inuiaqatigiinni inissartik qulakkeerumallugu.

Meeqqat inuusuttullu assigiinngissutaat akunnerminni alliartorsimapput Namminersornerullutik Oqartussat atuutilermalli, tamatumanilu akissaatikinnerpaat- isertitaqqortuullu akunnerminni nikingassutaat alliartuinnavissimavoq. Tassunga tapiliullugu aamma ataasiakkaat angerlarsimaffiisa oqaatsitigut atuinerat immikkut isiginiarneqartalerluni soorlu assersuutigalugu – kalaallisut, qallunaatut, tuluttut allamiullu oqasii allat oqaasii sakkuupput atorneqarnerulersimasut.

Meeqqat atuarfiani meeqqat assigiinngissitaartut atuartuupput, assigiinngitsunik piginnaasaqarlutik ilikkarnissaminullu aamma assigiinngitsunik piumasaqarlutik. Assigiinngissuseq alliartortillugu, naalakkersuinikkut aamma aalajangersaasoqarsimavoq ilinniartut klasseni amerlanerulissasut. Tamanna ilinniartitsisunut atuartunullu unamminarpoq, imatut paasillugu: atuartumut ataatsimut piffissarititaasoq annikinnerulersimalluni timeliussallu nikissimanatik. Tamanna inernerivaa ilinniartitsisunut atuartunullu piumasaqaatit sakkortusisut, kiisalu atuartut atuarusullutik piumassuseqarluartut angerlarsimaffinni inunnik isumaginninnikkutatugassarititaasut pisuullutik ilaatigut unamminarsillutik inissisimalersimasut ilanngullugit suliassaalersimasut taakku, ilinniarsimasut susassaqartut suleqatigalugit ingerlattariaqalersartut sulissuteqarfigineqarnissaat ilanngullugit aningaasaliiffigineqarlutillu ingerlalluarnissaat qulakkiigassaalersimalluni.

Naleqqap kissaatigaa atuarfimmi ilinniartitaanikkullu aningasaliissutaasartut annertusarniarlugit, atuartut tamarmiusut ilinniarnissaminnut qulakkeerniarlugit. Aningaasat ukiuni qaangiuttuni atorneqarsimasut, atuartunut meeqqat atuarfiiniit anisut qaqinniarlugit ilaatigut atorneqarsimapput, tamannalu iluatsissimanngilaq, taamaammat aningaasat atugassat meeqqat atuarfiatanukittorsarnissaanut atuinnartariaqarput, atuartut tamarmiusut atuarfik qimassinnaasariaqarmassuk tanngassimaarlutik amerlanerungaartullu angusarissaarlutik ingerlariaqqissinnaallutillu inissisimasut atuarfimmiit anisarniassammata.

Naleqqap kissaatigaa meeqqat atuarfii naammalluartunik aningaasaliiffigineqassasut, qulakkeerumallugu atuartitsineq pitsaassusilimmik ingerlanneqarnissaa.

Qinigassaq alla aamma tassaasinnaavoq klassit aggulunneri allatut aaqqissuullugit, tamannalu Naleqqap piareersimaffigaa oqaloqatiginnissutigissallugu. Atuarfitsialak oqaaseq torrallataasoq qasukkaannagu atuarfiup ineriartoqqinnissaa Naleqqamiitkissaatigaarput.

Atuartitsinermut sinaakkutissat atorluarumallugit, sunngiffimmi atuartitsineq tapertaalluarsinnaavoq naliginnaasumik ilikkariartornermut, naqisimaneqarani ilinniartitaanermik toqqaasinnaaneq. Naleqqap kissaatigaa alapernaaqqullugu illoqarfinni nunaqarfinnilu piginnaanilippassuummata, sunngiffimmilu atuartitsinermi kommunimit aningasalersugaasumit aaqqissuussaq sinaakkusiisinnaalluarpoq ilisimasanik piginnaasanillu agguaqatigiinnermi, taamaalillutik inuit amerlanerusut pisortatiguunngitsumik pikkorinnerulersissinnaagatsigik – tassami ileqqutoqqat tunngavigalulgit oqarsinnaanngilagut atuagarsornerinnaanngilaq aqqutissaasoq – piginnaasaviit aamma pineqarput – tamakkuuppummi inuunermik pisuunngortitsisut! Nunap inuisa pisuussutaat uuttortarneqarsinnaasutut isigineqanngikkaluartut ilanngullugit inerisartuagassat.

Tamanna pillugu atorfissaqartipparput ilinniartitsisut, atuarfiup

pisortai, immikkut ilinniarsimallutik sulisut, ilumoortumik oqaloqatigissallugit aammalu tikkuusseqataassammata qanoq iliortariaqarnerluta. Atuarfiup aaqqissuusseqqinnera nalilersorluartariaqarparput, paasiniarlugu atuarfimmiit naammassisartut qanoq iliornikkut amerlatsisarsinnaanerivut meeqqat atuarfianiit naammassigaangamik ajunngitsumik angusaqarlutik naammasisartut eqqarsaatigalugit. Tamanna ingerlanneqartariaqarpoq immikkut ilisimasallit peqatigalugit, taakkuummata ulluinnarni unamminartorpassuarnik naapitaqartuaannartut, qanoq iliuuseqarnissamillu aqqutissiuuilluarsinnaanerpaat.

Naleqqap aamma kissaatigaa eqqartueqataassalluni MISI inississallugu atuarfinni, siusinnerusumik iliuuseqarnissaq anguniarlugu, taamatummi siusinnerusukkut iliuuseqartarnerup takutimmagu pitsaanerusmik angusaqarnissamut aqqutissiuisartoq.

Meeqqat atuarfiat amerlanerusunik isumalluutilersornissaa aamma assersuutit ilagisinnaavaa, ilinniartitsisunik ikiortaasussanik atorfinitsitsinikkut klassenut atorfissaqartitsisunut.