Ilaqutariit qitiutillugit. Ilaqutariit nukittuut peqqissullu inuiaqatiit ingerlaqqillutik ineriartornissaannut tunngaviulluinnarput. Angajoqqaat isertitaqarnermikkut toqqissisimasumik atugassaqartitaanissaat, ineqarnikkullu ajunngitsumik peqarunik meeqqat atugarissaarlutik ineriartorluarnissaat tunngavilerneqassammat, tamarmik ataqatigiissumik pilersaaruteqarlunilu ineriartortitsiviunissaat Naleqqamiit pingaartitaraarput. Angajoqqaat meerartaminnut tapersersuilluartut meeqqat ajunngitsumik atuarnissaannut qulakkeerisuupput, tamannalu aamma meeqqat inuunermi ingerlaqqittumi inerisarluarnissaannut iluaqutigissallugu inissisimalerneranik kinguneqartussaammat Naleqqamiit pingaarnertut isigaarput.

Angajoqqaat ulluinarni aamma i sumaqarluartumik inuuneqarnissaat pingaartuuvoq, tamanna soorunami aamma ilorraap tungaanut ingerlajuarnissamut iluaqutaasussaammat, suliffeqarlutik suliassaqarlutillu nuannarisaminnik, imminut meeqqaminnullu pilersuisuunissaat qulakkeerlugu inissisimanissaanut aaqqissuusiuartariaqarpugut. Ilaqutariit utoqqartaat aamma sivisuumik tunniusimallutik sulisareerlutik, nukissaqarluartariaqarput ernutaminnut aataajullutillu aanaajunissaminnut – ilaqutariit tamakkiisumik atugarissaarnissaat pingaarner- tut qanoq iliuuseqarfigalugu ataqatigiissaakkamik iliuuseqarfiginissaa taamaammat Naleqqamiit pingaarnertut Naleqqamiit isigalutigu ineriartortitseqqinniarpugut.

Taamaammat Naleqqami suliniutigaarput ilaqutariit- tut ajunngitsumik inuuneqarnissap pilersinnissaa sinaakkusiornissaalu. Inuiaqatigiinni ataasiakkaatigut ilaqutariit atugarissaarlutik inuuneqarnissaannut tapertaasussatt aamaammat Naleqqamiit inerisaaffigerusullugit tamaviaaruteqarnerput ingerlatseqqissavarput.