Illoqarfinni nunaqarfinnilu piorsarsimassutsikkut inuunermut si- naakkutissat pitsaasut qulakkeerneqarniassapput, timersornikkut tamanut atugassarititaasut assigalugit naligiimmik neqerooruteqartariaqarpugut, tamannami amerlasuutigut sunngiffimmi inuunermut naliginnaasuummat. Timi peqqissoq eqqarsartaaserlu pitsaasoq ataqatigiinnerat ulluinnarni naliginnarmik inuunitsinni atuagarissaartitsisuummata pingaaruteqaqaat. Tamanna pissutigalugu piorsarsimassutsikkut atortorissaarutinik annerusumik pilersitsisariaqarpugut – timersorneq aamma ilanngullugu. Najukkami inuiaqatigiit atorfissaqartippagut innuttaasut pitsaasumikinooqatigiittut, timikkut tarnikkullu pilluartut pilersinniarneranni piorsarsimassuseq pingaaruteqartut ilaattut Naleqqamiit isigigatigu.
Naleqqami upperaarput piorsarsimassutsikkut pisuumik tunngaveqarutta taava tamanna inuiaqatigiinni sinaakkusiussagaakiffaanngissuseqarluni eqqarsartaaseqarsinnaaneq nipilu apeqqusiisinnaasoq ajunngitsumik atorlugu inerisaanermut iluaqutaasinnaasoq. Tamanna eqqarsarluarsinnaanermik kinguneqartitsisarpoq, pisorsarsimassutsikkullu nutaaliullaqqissumik uummaarissumillu inuuneqalernermik pilersitsisarluni, tamannalu innuttaasut inuiaqatigiitullu iluanaarutigissavaat. Eqqumiitsuliortut tassaagajupput inuiaqatigiinni pisariaqivissumik oqallitsitsisinnaasartut taamaammat aamma inissaqartilluinnartariaqarpavut najukkami inuiaqatigiinni pimoorussisuummata. Tamanna aamma innuttaasunut suli amerlanerusunut isumassarsiorfiuvoq suli annerusumik inuiaqatigiinnut tunngasunik oqallittoqartillugu peqataanissamut, tamannalu pisariaqarpoq tamat oqartussaaqataanerat ingerlalluartoq angussagaanni.
Sunngiffimi periarfissat eqeersimaartut piorsarsimassutsikkullu pisuujugaanni taava taakkua katillugit innuttaasut sunngiffittutinuuneranni pissanganartuunissaannut qulakkerisuussapput. Kommunit innuttaminnut neqeroorutigisartagai ataatsimut isigalugu nalilersornerusariaqarpavut. Sunngiffimmi inuuneq timikkut tarnikkullu qitiutitsisut inuussaatsimik patsiseqartumik nappaatinut pinaveersaartitsisuupput, tamakkuami nutaaliamik inuusaaseqarnermik nassataqarmata. Nunap inui periarfissagissaartut kommunini nunaqarfinnilu sunngiffimmi sammissaqarfissaqartut aqqutissiuunneqarnissaat Naleqqami pingaartitaaraarput.